ବାୟା ମନ
ଶୁଣ ଆରେ ବାୟାମନମୋହର ଏକଥା ଧ୍ୟାନ ଦେଇଣ, ବାୟାମନରେ
ଗର୍ବ, ପରହିଂସା ତେଜିଣ
ସତପଥରେ ଦିଅ ମନ, ବାୟା ମନରେ ।୧ାା
ବôବୁ ତୁ କେତେ ଦିନ
ପାଣିର ଫୋଟକା ପ୍ରାୟ ଜୀବନ, ବାୟାମନରେ
ମିଛ, ମାୟା ସଂସାର ବନ୍ଧନ
ସତତ କର ଏକଥା ସ୍ମରଣ, ବାୟାମନରେ ।୨ାା
ସତ୍ କର୍ମ ସଦା କରିଣ
ସତ୍ ଚିନ୍ତାଭାବ ମନରେ ପୁଣ, ବାୟା ମନରେ
ପର ଉପକାରେ ଦିଅ ପ୍ରାଣ
ଜୀବନ ତୋହର ହୋଇବ ଧନ୍ୟ, ବାୟାମନରେ ।୩ାା
ପଶୁ ପକ୍ଷୀ, ଜୀବ ପତଙ୍ଗ ପୁଣ
ଦୟା ହୃଦେ ତାଙ୍କୁ ସେବା କରିଣ, ବାୟାମନରେ
ଖାଦ୍ୟ ପାନୀୟ ତାଙ୍କୁ ଦେଇଣ
ରକ୍ଷାକର ତୁହି ତାହାଙ୍କ ପ୍ରାଣ, ବାୟା ମନରେ ।୪ାା
ହିଂସା ତାଙ୍କୁ କର ନାହିଁ,
ମାନବର ହିତକାରୀ ଅଟନ୍ତି ସେହି, ବାୟାମନରେ
ଜୀବ ମାତ୍ରେ ଦୟା ବହି
ଦିଅ ତାଙ୍କୁ ସ୍ନେହ ଶ୍ରଦ୍ଧା ତୁହି, ବାୟାମନରେ ।୫ାା
ଛନ୍ଦ, କପଟ ନ କର
ମନ ରହୁ ସଦା ପ୍ରଭୁଙ୍କଠାର, ବାୟା ମନରେ
ଆତ୍ମା, ପରମାତ୍ମା ଏକାକାର,
ଅବଶ୍ୟ ଦିନେ ହୋଇବ ତୋର, ବାୟା ମନରେ ।ା୬ାା
ଅଧ୍ୟାତ୍ମ ପଥରେ ଚଳିଣ
ବ୍ରହ୍ମଚର୍ଯ୍ୟ ବ୍ରତ କର ପାଳନ, ବାୟାମନରେ,
ଦୀର୍ଘ ହୋଇବ ତୋର ଜୀବନ
ନରରୁ ହୋଇବୁ ତୁ ନାରାୟଣ, ବାୟା ମନରେ ।୭ାା
ପରଦାରେ ମାତୃ ବତ
ଭାବୁଥାଅ ନୋହି ବିଚଳିତ, ବାୟା ମନରେ
ନାରୀଜାତି ଅଟେ ସଭିଙ୍କ ମାତ
ହୀନ ନ ମଣ ତାଙ୍କୁ କଦାଚିତ, ବାୟା ମନରେ ।୮ାା
ପରଦ୍ରବ୍ୟ ହରିବାକୁ
କେବେହେଁ ନ ଆଣ ମନ ମଧ୍ୟକୁ, ବାୟା ମନରେ
ମାଟି ଜ୍ଞାନେ ପରଧନ
ଲୋଭ ନ କର କବାଚନ, ବାୟା ମନରେ ।୯ାା
ଦୁଃଖି, ଦରିଦ୍ର ରୋଗୀଙ୍କୁ
ସେବାକର ବିଭୁଜ୍ଞାନେ ତାହାଙ୍କୁ, ବାୟା ମନରେ
ନିଶ୍ଚେ ପାଇବୁ ଶ୍ରେଷ୍ଠ ଗତିକୁ
ସଂଶୟ ନ କର ଏହି କଥାକୁ, ବାୟା ମନରେ ।୧ଠାା
ଚୂଡାମଣି ପାଣିଗ୍ରାହୀ , ଗମ୍ଭାରୀ, ଜି: ବଲାଙ୍ଗିର, ମୋ:- ୮୮୯୫୯୬୭୩୬୮
No comments:
Post a Comment